أتعلم من هو ربنا ؟؟ ربنا هو اللى خلقنا .. و رزقنا .. هو اللى ادانا عينى دى و ودنى و قلبى .. و رزقنى الصحة . و كم من مريض يرقد فى المشافى ! هو من أعطانى الفلوس اللى عايش بيها .. و جعلنى مش محتاج .. و لم يخلقنى فقير مثلاً بطلب من الناس .. الحمد لله رزقنى من فضله الواسع .... و بعصيه و ساترنى و مش بيخلى الناس تعرف عنى حاجة وحشه .. و بعصيه و ارجع البيت يأكلنى و يشربنى و نايمنى و أصحى افطر عادى جداً .. و يحلم عليا مع انى مش بصلى و مش بقرأ قرآن و بعمل ذنوب .. مع انه غنى عنى أصلاً .. !! و أنا أحوج ما أكون إليه .. تخيل نفسك بغير رحمه ربنا .. كنا هنبقى عاملين ازاى .. تخيل أول مما أعصى ربنا ألاقى نفسى العقاب جالى فى ساعتها .. أسيب صلاة ألاقى نفسى مش عارف أمشى مثلاً .. أو أعمل ذنب ألاقى نفسى مت مثلاً .. هو احنا ليه ربنا بيعاملنا كده و احنا بنعامله كده .. فى حين انه غنى عنى !!! بس هو رحيم سبحانه و تعالى .. دى صفته .. و هو كريم سبحانه و تعالى .. كل ده عشان لما نرجع لربنا ميبقاش لنا حجة .. هو حلُم علينا و ادانا فرص كتير بس احنا اللى برضوو عصينا .. ربنا هو اللى يملك سعادتى فى يده .. و يملك رزقى .. و يملك يعيشنى أحسن عيشه و أتجوز أحسن زوجة .. و يملك حياتى و مماتى .. و يملك يشغلنى و هو ملك السماء و الأرض !! و فى الأخر .. خلق جنة عرضها السماء و الأرض لمن يتبع أوامره !! يالله .. ما أكرمك .. ما أحلمك .. و ما أجهلنا بك ! هو ده ربنا .. هو ده رب العالمين ... هو ده الإله اللى أنا بعصيه !! هو ده الإله اللى بقدم على أوامره حاجات كتير ملهاش أى قيمة .. هو ده الإله اللى بقدم عليه صحابى و نفسى ! و بعد كل هذا .. يطلب منى انى أترك ذنب .. أتردد و أفكر !! يطلب منى أعمل طاعات .. لا أجد وقت و أتأخر !!! قال الله تعالى "يا أيها الإنسان ما غرك بربك الكريم" .. ايه غرك و جرئك على ربك كده ؟؟ سبحان الله . ايه اللى جرئنا على معصيته .. سبحان الله .. بعد ان خلقنا و رزقنا و أعطانا و كفانا و وو .. يأمرنا بأوامر و نحن نعصى .. أليس فعلاً من خالف أمر هذه الإله. يستحق النار ؟؟ بعد ان رزقه و سخر له كل هذه الدنيا .. و لازلنا نعصى .. يا اخواننا .. ألم يأن الوقت للتوبة و الرجوع إلى الله ؟؟؟ "ألم يأن للذين آمنوا أن تخشع قلوبهم لذكر الله وما نزل من الحق ولا يكونوا كالذين أوتوا الكتاب من قبل فطال عليهم الأمد فقست قلوبهم وكثير منهم فاسقون " !!