هوا : صليتي العصر ؟ أنا : لأ .. هوا (بحده) : ليه ؟ انا : معلش والله جيت من بره تعبانة نمت .. هو (بغضب) : طيب ماشي براحتك .. واتفضلي روحي صلي العصر والمغرب قبل العشا كمان متيجي عليكي .. _____ اليوم التانى ... ماما : متصلش بردو ؟ انا : لأ لسا وبرن مبيردش معقول كل دا في الطريق .. السفر عمره ما بياخد كل ده .. _____ بعد ساعتين بيتصل .. أنا (بلهفه) : وصلت بالسلامة .. هوا : اه وصلت .. أنا : وصلت إمتى ؟ هوا : من 4 ساعات كدا .. أنا (بغضب) : إيه ده وصلت من بدري ومكلمتنيش .. هوا : معلش اصلي جيت من بره تعبان نمت .. (فهمت ان قصده يعاتبنى ع تأخيري للصلاة امبارح فبيرد بنفس ردي) انا (بحزن) : يعنى طيب مسمعتش رناتي .. هوا : لأ طبعا سمعت بس طنشت .. انا ( بحزن ) : طنشت رناتي .. هوا : زي ما انتي امبارح طنشتي نداء ربنا .. انا (بدموع محبوسه) : أنا اسفه .. هوا (بحنية) : الأسف دا مش ليا أنا .. كله الا فرض ربنا .. يلا روحي صلي ركعتين لله واستغفري ربنا وتعالي نكمل كلامنا عشان وحشتينى أوى .. انا : حاضر .. وربنا يخليك ليا يا رب