كيف تسعد

كيف تسعد زوجتك 1- ابتسم و أنت بتفتح باب البيت .. حسسها انك مبسوط انك شوفتها 2- قولها : وحشتيني .. ايه الشياكة دي 3- إديها مصروف. تجيب بيه اللي نفسها فيه و خصوصا لو مش بتشتغل . 4- أول ما تصحى من النوم طبطب عليها زي الأب ما بيطبطب على بنته و طبطب عليها بعد ما تخلص شغل البيت .. ساعتها بتبقى مهدودة فعلا 5- ..اشكر فيها قدام مامتك و في نظافتها 6- ما تقارنهاش بحد علشان هي ما تقارنكش بحد 7- مش ﻻزم تحكي عن زميلتك في الشغل الباشمهندسه و الدكتورة 8- خرجها مرة كل أسبوع بلاش تحبسها فى البيت 9- أشكر في أهلها هتنبسط اوى و اظهر حبك ليها قدام اهلها عشان تتباهى قدامهم بعلاقتك بيها و بحفاظك على كرامتها . 10- لما تتعب و تسخن ارقيها و ادعيلها و اعملها ينسون و اظهر شوية موده و رحمه من اللى ربنا قال عليهم . بالله عليك..هي أسيرة عندك .. يعني كأنها عصفورة محبوسة في قفص و كانت فرحانة بيك لما اختارتك و اتجوزتك فمتخيبش ظنها و حطها في عينك و اتق الله فيها عشان ربنا يكرمك . و اعرف ان الدنيا تدين تدان يا بنى أدم